Yakkasaroyda PPX inspektori cho‘kayotgan 13 yoshli bolani qutqarib qoldi
Toshkentning Yakkasaroy tumanida post-patrul xizmati inspektori Rasul Jo‘rayev Bo‘rijar kanalida cho‘kayotgan 13 yoshli bolani qutqarib qoldi. Bu haqda Toshkent shahri Yakkasaroy tumani hokimligi matbuot kotibi ma’lum qildi.
Ma’lum qilinishicha, hodisa bolaning kanalda cho‘milayotgan vaqtida sodir bo‘lgan. Cho‘kayotganini payqagan Yakkasaroy tumani post-patrul xizmati inspektori Rasul Jo‘rayev bir lahza ham ikkilanmay o‘zini suvga tashlab, 13 yoshli Muhamad G‘ayratni qutqarishga muvaffaq bo‘lgan.
Natijada bola sog‘-salomat holda suvdan olib chiqilgan. Inspektorning tezkor va qat’iy harakati uning hayotini saqlab qolgan.
