Uch hududda narkosavdogarlardan jami 12,7 kg giyohvandlik vositalari aniqlandi
Davlat xavfsizlik xizmati va ichki ishlar organlari hamkorligida Toshkent viloyati, Toshkent shahri va Namangan viloyatida o‘tkazilgan tezkor tadbirlarda uch nafar shaxsdan jami 12,7 kg turli giyohvandlik vositalari aniqlanib, qo‘lga olindi.
Andijon viloyatida yashovchi 2000-yilda tug‘ilgan shaxs qochishga urinib, avtomashina salonidan o‘ramlarni tashlab ketgan, biroq 5 kg gashish topib olingan.
Toshkentda ushlangan 2005-yilda tug‘ilgan xorijiy fuqarodan 5 kg dan ortiq sintetik narkotiklar va kokain, Namangan viloyatida yashovchi 2000-yilda tug‘ilgan shaxsdan esa yoqilg‘i bakidan 2,5 kg sintetik giyohvandlik vositasi chiqarilgan va uni kutib turgan sherigi ham ushlangan.
Barcha holatlar bo‘yicha jinoyat ishlari qo‘zg‘atilib, tergov davom etmoqda.
