“Turon” metro bekatining tomi qulab tushdi. Jarohatlanganlar bor
“Yer usti halqa” yoʻnalishining “Turon” metro bekatida 16-iyul kuni soat 14:34 da tom konstruksiyasining bir qismi qulab tushishi oqibatida 2 yo'lovchi jarohat olgan. Bu haqda Toshkent metropoliteni xabar berdi.
Mazkur hodisada jarohatlanganlarga voqea joyining oʻzida birinchi tibbiy yordam koʻrsatilgan.
Harakat xavfsizligini taʼminlash maqsadida mazkur bekatda metro poyezdlari harakati zudlik bilan vaqtincha toʻxtatilgan. Hozirda mutaxassislar tomonidan holat yuzasidan texnik oʻrganish ishlari olib borilmoqda hamda aniqlangan kamchiliklarni bartaraf etish choralari koʻrilmoqda.
Yoʻlovchilarga qulaylik yaratish maqsadida “Qipchoq” va “Quruvchilar” metro bekatlari oraligʻida bepul metrobuslar harakati yoʻlga qoʻyilgan.
