Toshkentning 4 ta kirish joyida ramziy darvozalar quriladi
Sayyohlar oqimini oshirishga qaratilgan ushbu loyiha Rohat, Bektemir, Erkin hamda Uch qahramon yo‘nalishlaridagi kirish nuqtalarida amalga oshiriladi. Qurilish ishlariga shahar hokimligi, Turizm qo‘mitasi va Madaniy meros agentligi mas’ul qilib belgilangan.
Mazkur tadbir poytaxtning 2026–2027-yillarga mo‘ljallangan rivojlantirish “yo‘l xaritasi”ga kiritilgan bo‘lib, unda darvozalar uchun ajratiladigan mablag‘ hajmi ochiqlanmagan.
Shuningdek, hujjat doirasida shaharda 100 ta gastronomik va turizm ko‘chalarini tashkil etish hamda aholi yashash hududlariga yaqin ixcham yashil bog‘lar barpo etish kabi boshqa loyihalar ham ko‘zda tutilgan.
