Toshkentga Chexiyaning 10 ta elektropoyezdi olib kelinadi
17-sentyabr kuni qabul qilingan qarorga ko‘ra, loyiha taklifi “O‘zbekiston temir yo‘llari” AJ tomonidan kiritilgan bo‘lib, Kengash a’zolari “Shahar atrofida yo‘lovchi tashish” MChJ vakillarining taqdimotini tinglab, uni ma’lumot uchun qabul qilishdi. Mazkur xarid bo‘yicha shartnoma joriy yilning 17-iyun kuni o‘tkazilgan Toshkent xalqaro investitsiya forumi doirasida “Shahar atrofida yo‘lovchi tashish” MChJ va Chexiyaning “Škoda Transportation” kompaniyasi o‘rtasida imzolangan edi.
“O‘zbekiston temir yo‘llari” AJ ta’kidlashicha, ushbu loyihani amalga oshirishdan asosiy maqsad temir yo‘llardagi harakatlanuvchi tarkib parkini yangilash hamda shahar atrofi yo‘nalishlarida yo‘lovchilarga ko‘rsatilayotgan xizmatlar sifati va qulayligini oshirishdan iborat.
