Toshkentda transport oqimi 30 foizga keskin oshdi, tirbandlik 6 ball darajasida ushlab turildi
Yo‘llarda harakat harorati ko‘tarilgan bo‘lsa-da, poytaxt bo‘ylab sun’iy tirbandliklar va tiqilinchlarning oldi olindi. Buning uchun raqamli texnologiyalar va tezkor nazorat imkoniyatlari ishga solindi. Asosiy chorrahalardagi svetofor fazalari real vaqt rejimida qayta sozlanib, qo‘shni ko‘chalardagi transport harakati bir-biriga moslashtirilgan.
Shahar yo‘llaridagi jarayonlarni markazlashgan holda boshqarish maqsadida maxsus Vaziyatlar markazi tun-u kun faoliyat olib bormoqda. Tizimga ulangan tartibga solinadigan chorrahalarda yuklama ortgan paytda, mutaxassislar masofadan turib gavjum yo‘nalishlar uchun yashil chiroq vaqtini uzaytirish choralarni ko‘rmoqda.
Avariyalar, nosoz transport vositalari, yo‘llardagi ta’mirlash ishlari hamda noqonuniy to‘xtash holatlari aniqlangan soniyalardayoq ma’lumotlar Yo‘l harakati xavfsizligi boshqarmasiga yuborilmoqda. Natijada YHXB xodimlari muammoli hududlarga zudlik bilan yetib borib, harakatni qo‘lda tartibga solish va yo‘laklarni bo‘shatish choralarini ko‘rmoqda.
