Toshkentda shaxsni ochiqlamay OIVga ekspress-test topshirish imkonini beruvchi bepul avtomatlar o‘rnatildi
“Ishonch va hayot” NNT xabariga ko‘ra, ushbu avtomat orqali navbatda turmasdan, bir necha daqiqa ichida individual ekspress-test topshirish to‘plamini olish mumkin. Zarurat tug‘ilganda markaz mutaxassislari tashrif buyuruvchilarga bepul va maxfiy tarzda maslahat beradi hamda hamrohlik xizmatlarini ko‘rsatadi.
Ta'kidlash joizki, O‘zbekistonda 52 mingga yaqin, Tojikistonda esa 13 mingdan ortiq kishi OIV bilan rasman ro‘yxatga olingan. Soha mutaxassislarining fikricha, jamiyatdagi diskriminatsiya va tashxis qo‘yilishidan qo‘rqish kabi holatlar infeksiyani o‘z vaqtida aniqlashga asosiy to‘siq bo‘lmoqda.
Zamonaviy terapiya esa OIV bilan yashayotgan insonlarga to‘laqonli hayot kechirish va sog‘lom farzand ko‘rish imkonini beradi.
