Toshkent metrosiga yana 3 ta yangi poyezd olib kelindi. 2027-yildan yo‘lkira tizimi o‘zgaradi
Metropoliten matbuot xizmatining xabar berishicha, yangi harakat tarkiblarining liniyaga chiqarilishi quyidagi imkoniyatlarni beradi:
• Poyezdlar harakati intervali yanada qisqaradi;
• Yo‘lovchi oqimi ortib borayotgan liniyalarda tashish quvvati va jadval barqarorligi ta’minlanadi.
Ekspluatatsiya muddati tugayotgan eski poyezdlar bosqichma-bosqich almashtiriladi. 2026-yil yakunigacha poytaxt metrosiga yana 11 ta zamonaviy poyezd olib kelish rejalashtirilgan.
Shuningdek, metroda yo‘lovchilarga qulaylik yaratish maqsadida tizimli o‘zgarishlar kutilmoqda. Xususan, yo‘lkira haqi bosib o‘tilgan masofa yoki bekatlar soniga qarab hisoblanadi, kunlik, haftalik va oylik tariflar yo‘lga qo‘yiladi, ayrim aholi toifalari uchun maxsus imtiyozlar ko‘zda tutilgan, metro stansiyalari yaqinida avtoturargohlar tashkil etiladi.
