Toshkent markazida yo‘lning bir qismi o‘pirilib, avtomobillarga zarar yetdi
Toshkent shahridagi Glinka ko‘chasida yuqori bosimli quvur portlagani aytilmoqda. Hodisa oqibatida yo‘l qoplamasining bir qismi o‘pirilib, bir nechta avtomobilga zarar yetgan. Shuningdek bir kishi jabrlangani bildirilgan. Hodisa joyiga tez tibbiy yordam yetib borgan.
Ijtimoiy tarmoq foydalanuvchilari hodisa vaqtida portlashga o‘xshash kuchli ovoz eshitilganini bildirmoqda. Tarqalgan videolarda esa yo‘l qoplamasi va bir nechta avtomobillarning shikastlangani ko‘rinadi.
Hozircha yuqori bosimli quvur yorilgani haqidagi ma’lumot rasman tasdiqlanmadi. Mas’ul idoralar hodisa sabablari yuzasidan rasmiy izoh bermagan.
