Tibbiyot xizmatlari bozori 13,9 trillion so‘mga yetdi
Sohadagi jami xizmatlar tarkibi tahlil qilinganda, asosiy ulush – 54,8 foizi boshqa turdagi tibbiy xizmatlarga to‘g‘ri kelgani oydinlashdi. Shuningdek, ko‘rsatilgan xizmatlarning 31,2 foizi shifoxona va statsionar muassasalari, 14 foizi esa shifokorlik amaliyoti hamda stomatologiya xizmatlari hissasiga to‘g‘ri kelgan.
Hududlar kesimida moliyaviy aylanma va xizmatlar hajmi bo‘yicha poytaxt yaqqol yetakchilik qilmoqda. Toshkent shahrida tibbiy xizmatlar hajmi 6,4 trillion so‘mni tashkil etib, respublika bo‘yicha umumiy ko‘rsatkichning deyarli yarmini egalladi. Keyingi yuqori o‘rinlarni Toshkent viloyati (1,4 trillion so‘m) hamda Samarqand viloyati (1 trillion so‘m) band etdi.
Farg‘ona vodiysi viloyatlarida ko‘rsatilgan tibbiy xizmatlar hajmi Farg‘onada 816,3 milliard, Namanganda 661,6 milliard va Andijonda 617 milliard so‘mni tashkil etdi. Ushbu yo‘nalishda eng kam ko‘rsatkichlar Navoiy (233,6 milliard so‘m), Sirdaryo (242,4 milliard so‘m) hamda Jizzax (307 milliard so‘m) viloyatlarida qayd etilgan.
