Surxondaryoda pedofillikda ayblangan IIB xodimi 15 yilga qamaldi
Surxondaryoning Denov tumanida voyaga yetmagan qiz bilan jinsiy aloqada bo‘lgan IIB Jamoat xavfsizligi xizmati Huquqbuzarliklar profilaktikasi bo‘limining voyaga yetmaganlar masalalari bo‘yicha sobiq inspektor-psixologi 15 yilga ozodlikdan mahrum qilindi. Bu haqda Viloyat Surxondaryo viloyat sudi xabar berdi.
O‘zi nima bo‘lgan edi?
“Negativ”ning bergan ma’lumotlariga ko’ra, 2025-yilning 16-dekabr kuni inspektor tarbiyasi og‘ir deb baholangan voyaga yetmagan qizni topib, maktab inspektr xonasiga olib brogan. Kuzatuv kamerяasidagi yozuvlarda ular xonadan 1 soat o‘tgach chiqqani aks etgan. Shundan so‘ng inspektor qizni qarindoshlariga olib borib topshirgan. Biroq qiz ertasi kuni huquqni muhofaza qiluvchi organlarga inspektor tomonidan zo‘rlangani haqida ariza yozib bergan.
Inspektorga nisbatan mazkur holat yuzasidan Jinoyat kodeksining 128-moddasi (16 yoshga to‘lmagan shaxs bilan jinsiy aloqa qilish), 129-moddasi 3-qismi (o‘n olti yoshga to‘lmagan shaxsga nisbatan uyatsiz-buzuq harakatlar sodir etish) hamda 206-moddasi 1-qismi (hokimiyat yoki mansab vakolatini suiiste’mol qilish) bilan jinoyat ishi qo‘zg‘atilgan edi.
22-iyul kuni Denov tumani jinoyat ishlari bo‘yicha sudi hukmi bilan inspektorga Jinoyat kodeksining 118-moddasi (nomusga tegish) 4-qismi hamda 206-moddasi 1-qismi (hokimiyat yoki mansab vakolatini suiiste’mol qilish) bilan aybdor deb topildi.
Hukm
Mazkur holat yuzasidan, sud unga 15 yil 1 oy muddatga ozodlikdan mahrum qilish jazosini tayinladi. Shuningdek, u 2 yil davomida ichki ishlar organlarida ishlash huquqidan mahrum etildi. Jazoni umumiy tartibli jazoni ijro etish koloniyasida o‘tashi belgilandi.
Shu bilan birga, Surxondaryo viloyati sudlari ma’lum qildiki, hozirgi kunga qadar ushbu sud hukmi yuzasidan apellyatsiya shikoyati yoki prokuror protesti kelib tushmagan.
