Soliq qo‘mitasi raisining sobiq o‘rinbosari Mubin Mirzayev 8 yildan ortiqqa qamaldi
Davlat idoralarida uzoq yillar mas’ul lavozimlarda ishlagan Mubin Mirzayev 2026-yilning yanvar oyida Prezident Shavkat Mirziyoyev tomonidan faoliyatidagi loqaydligi uchun keskin tanqid qilinib, ishdan bo‘shatilgan edi.
Sud jarayonida M. Mirzayev Jinoyat kodeksining 168-moddasi 4-qismi (juda ko‘p miqdorda o‘zlashtirish yoki rastrata qilish yo‘li bilan talon-toroj qilish), 205-moddasi 2-qismi (mansab vakolatini suiiste’mol qilish) va 208-moddasi (hokimiyat harakatsizligi) bo‘yicha aybdor deb topildi. Sud hukmi bilan u 3 yilga muayyan huquqlardan mahrum qilindi va 8 yil-u 2 oy muddatga qamoq jazosiga hukm qilindi.
Ushbu jinoyat ishi doirasida M. Mirzayevdan tashqari yana 8 nafar shaxs sud qilingan. Ularga soliqdan bo‘yin tovlash, hujjatlarni qalbakilashtirish hamda savdo va xizmat ko‘rsatish qoidalarini buzish kabi ayblovlar bilan 4 yildan 9 yilgacha bo‘lgan muddatlarga ozodlikdan mahrum etish jazosi tayinlandi.
Shuningdek, sud hukmi bilan jinoyat oqibatida yetkazilgan moddiy zararlarni undirish tartibi ham belgilandi.
