Sirdaryoda yuk mashinasi Captiva bilan to‘qnashishi oqibatida 3 kishi halok bo‘ldi
9-avgust kuni Sirdaryo viloyati Xovos tumanida Chakman rusumli yuk mashinasi hamda Captiva to‘qnashishi oqibatida YTH sodir bo'ldi. Bu haqda viloyat YHXB xabar berdi. oqibatda ikki kishi kalok bo‘lgan va voqea joyida yong‘in yuzaga kelgan.
Ma’lumotlarga ko‘ra, hodisa Xovos tumanidan o‘tuvchi Xalqaro ahamiyatdagi M-34 avtomobil yo‘lining Toshkent-Dushanbe yo‘nalishida harakatlanayotgan Chakman yuk mashinasi qayrilaotgan vaqtda yuz bergan. O‘zi bilan bir yo‘nalishda yo’lning chap bo‘lagi bo’ylab harakatlanib kelgan Captiva’ning urilishi natijasida YTH sodir bo’lgan.
Sodir etilgan YTH natijasida Captiva haydovchisi hamda 2 nafar yo‘lovchi voqea joyida vafot etgan.
Hozirda holat yuzasidan Sirdaryo viloyati IIB huzuridagi Tergov boshqarmasi tomonidan Jinoyat kodeksining 266-moddasi 3-qismi "a" bandi bilan jinoyat ishi qo‘zg‘atilib, tergov harakatlari olib borilmoqda.
