Shvetsiya va Polshadan 27 nafar o‘zbekistonlik deportatsiya qilindi
O‘zbekiston, Shvetsiya va Polshaning vakolatli idoralari o‘rtasidagi hamkorlik doirasida tashkil etilgan ushbu tadbir Yevropada noqonuniy bo‘lib turgan fuqarolarni Vatanga qaytarishga qaratildi. Toshkent xalqaro aeroportida kelgan yo‘lovchilarni Tashqi ishlar vazirligi hamda boshqa mutasaddi idoralar vakillari kutib oldi.
Ushbu chora-tadbirlar O‘zbekistonning xalqaro majburiyatlar hamda mezbon mamlakatlar qonunchiligiga rioya qilgan holda, xorijdagi fuqarolarning huquq va manfaatlarini tartibli muhofaza qilish siyosati doirasida amalga oshirildi. Olib kelingan fuqarolar ko‘rsatilgan yordam va ko‘mak uchun mutaxassislarga o‘z minnatdorchiligini bildirishgan.
Mas’ullarning ma’lum qilishicha, xorijga mehnat va boshqa maqsadlarda chiqayotgan fuqarolarning huquqiy savodxonligini oshirish hamda chet davlatlarda migratsiya tartib-qoidalarini buzish holatlarining oldini olish bo‘yicha tizimli ishlar davom ettirilmoqda.
