Shukurillo Isroilov Toshkent shahar madaniyat boshqarmasi boshlig‘i o‘rinbosari etib tayinlandi
Toshkent shahrida madaniyat va san’at sohasidagi islohotlar ijrosiga bag‘ishlangan yig‘ilishda sohada mavjud kamchiliklar muhokama qilinib, yangi tayinlovlar amalga oshirilgani ma’lum qilindi.
Unga ko‘ra, Bekzod Baxromov Toshkent shahar madaniyat boshqarmasi boshlig‘i, Shukurillo Isroilov esa uning o‘rinbosari etib tayinlangan.
Avvalroq ijtimoiy tarmoqlarda Shukurillo Isroilov Madaniyat vaziri o‘rinbosari lavozimiga tayinlangani haqida xabarlar tarqalgan edi. Biroq Madaniyat vazirligi matbuot kotibi Sirojiddin Osarov bu xabarni rad etgan. Endilikda Isroilovning Toshkent shahar madaniyat boshqarmasi boshlig‘i o‘rinbosari lavozimiga tayinlangani rasmiy ma’lumotda tasdiqlandi.
