Shavkat Mirziyoyev bilan uchrashishni so‘rab videomurojaat yo‘llagan bolakayga Prezident sovg‘alari va minnatdorlik maktubi topshirildi
Qoraqalpog‘iston Respublikasi Jo‘qorg‘i Kengesi binosida o‘tkazilgan tantanali marosimda Jo‘qorg‘i Kenges raisi Amanbay Orinbayev Prezidentning Muhammadaliga yo‘llagan maktubini o‘qib eshittirdi. Xatda davlat rahbari bolaning samimiy intilishidan mamnun bo‘lganini bildirib, kelajakda ajdodlarga munosib va el-yurtga nafi tegadigan inson bo‘lib yetishishiga tilak bildirgan.
Tadbirkorlik va e’tibor doirasida Muhammadaliga alohida Prezident sovg‘asi, shuningdek, uning ota-onasiga hamda u ta’lim olayotgan maktabgacha ta’lim muassasasiga ham maxsus esdalik sovg‘alari topshirildi.
Bundan tashqari, bolaga ta’lim-tarbiya berib kelayotgan bog‘cha tarbiyachisi Gulbahar Saparova ham e’tibordan chetda qolmadi. U Jo‘qorg‘i Kenges Prezidiumining tegishli qaroriga muvofiqlikda “Vatan fidoyisi” ko‘krak nishoni bilan mukofotlandi.
