Sentabrda oylik va stipendiyalar ham oshadi. Iyuldan kuchga kirgan yangi nafaqa va pensiya miqdorlari e'lon qilindi

Ijtimoiy reyestrdagi oilalarga ajratiladigan bolalar nafaqasi quyidagicha belgilandi:

3 yoshgacha bo‘lgan birinchi farzand uchun – 386 000 so‘m;

3 yoshdan 18 yoshgacha bo‘lgan birinchi farzand uchun – 295 000 so‘m;

Ikkinchi farzand uchun qo‘shimcha – 177 000 so‘m;

Uchinchi va undan keyingi har bir farzand uchun – 118 000 so‘m.

Aholini qo‘llab-quvvatlash bo‘yicha boshqa to‘lovlar va nafaqalar miqdori:

Yoshga doir nafaqa hamda nogironligi bo‘lgan bolaning onasiga nafaqa – 878 000 so‘m;

I guruh nogironlik nafaqasi – 1 209 000 so‘m;

II guruh nogironlik nafaqasi – 1 083 000 so‘m;

Moddiy yordamning oylik miqdori – 450 000 so‘m.

Shuningdek, pensiyani hisoblashning bazaviy miqdori oyiga 504 000 so‘m etib belgilandi. Navbatdagi bosqich sifatida 1-sentabrdan boshlab budjet sohasida ishlayotgan xodimlarning maoshlari va barcha stipendiyalar ham 7 foizga oshiriladi.