Samarqandda YHXB xodimi 75 yoshli qariyani urib uchirib yubordi. Oqibatda piyoda halok bo‘ldi
Samarqand viloyati Samarqand shahrida YPX xodimi yo‘lni kesib o‘tayotgan 75 yoshli piyoda ayolni urib yuborishi oqibatida piyoda voqea joyida halok bo‘ldi. Bu haqda viloyat YHXB xabar berdi.
Ma’lumotlarga ko‘ra voqea kecha, 21-iyul kuni soat 18:15 larda Shabbod ko‘chasida sodir bo‘lgan. YPX xodimi o‘ziga biriktirilgan Tracker’ni boshqarib ketayotib, belgilanmagan joydan yo‘lni kesib o‘tayotgan piyoda – 1951-yilda tug‘ilgan ayolni urib yuborgan.
Hodisa oqibatida piyoda olgan tan jarohatlari sababli voqea joyida vafot etgan. Hozirda Samarqand shahar Prokuraturasi tomonidan tergovga qadar tekshiruv harakatlari olib borilmoqda.
