Rasmiy Toshkent Kiyevga tabrik yo‘lladi
O‘zbekiston tashqi siyosat idorasi o‘zining X (sobiq Twitter) ijtimoiy tarmog‘idagi rasmiy sahifasi orqali ukrainalik do‘stlarni va butun mamlakat ahlini qutlab, eng ezgu tilaklarini bildirgan.
Ushbu qutlov Ukraina o‘z davlat mustaqilligining 35 yillik sanasini nishonlayotgan bir vaqtda e’lon qilindi. Mamlakat 1991-yil 24-avgust kuni Oliy Rada tomonidan tegishli Hujjat qabul qilinishi va ketidan o‘tkazilgan umumxalq referendumida mutlaq ko‘pchilik fuqarolar uni qo‘llab-quvvatlashi ortidan o‘z suverenitetini e’lon qilgan.
Ma’lumot uchun, O‘zbekiston hamda Ukraina o‘rtasidagi rasmiy diplomatik aloqalar o‘rnatilganiga ham roppa-rosa 34 yil to‘lmoqda. Ikki davlat o‘rtasidagi tegishli hamkorlik protokoli 1992-yilning 25-avgust kuni Kiyev shahrida imzolangan.
