“Qo’yliq” bozorining bir qismi vaqtinchalik yopildi – FVV
Toshkent shahar Favqulodda vaziyatlar bosh boshqarmasi ushbu qarorni yongʻin chiqish xavfi hamda fuqarolarning hayoti, sogʻligʻi va mol-mulkiga tahdid borligi bilan izohladi. Bozor faoliyati kamchiliklar bartaraf etilgach toʻliq qayta tiklanadi.
Poytaxt hokimi Shavkat Umurzoqov iyun oyida elektr simlari va gaz tarmoqlarini tekshirishni kuchaytirgan holda «alohida yongʻinga qarshi rejim» joriy etgan edi. Shuningdek, u umumiy ovqatlanish shoxobchalarida maishiy gaz ballonlaridan foydalanishni taqiqlagan.
Avvalroq, joriy yilning aprel oyida “Navro‘z”, “Qo’yliq”, “Abu saxiy” “Farxod”, “Askiya” “O’rikzor”va boshqa yirik bozorlarda keng ko‘lamli tekshiruvlar o‘tkazilgan. “Navro’z” “Qo’yliq”, “Abu saxiy” va “Farxod” bozorlarida alohida zonalar elektrdan uzilgan. “Askiya” bozori butunlay elektrdan uzilib, vaqtincha to‘xtatilgan. “Aviasozlar” va boshqa joylarda ham bir muddat cheklovlar bo‘lgan edi.
