Qoraqalpog‘istonlik 6,5 ming abituriyent qo‘shimcha oshirilgan ballar asosida oliygohlarga talabalikka qabul qilindi
Ushbu ro‘yxat kirish imtihonlarida 56,7 va undan yuqori ball to‘plab, asosiy tanlov bosqichida o‘qishga kira olmagan yoshlar hisobidan shakllantirildi. Qo‘shimcha qabul jarayonida abituriyentlarning to‘plagan ballari ketma-ketligi qat’iy inobatga olindi.
Natijalardan foydalanish uchun abituriyentlarning doimiy ro‘yxatdan o‘tgan manzili Qoraqalpog‘istonda bo‘lishi hamda ular ushbu hududdagi maktab, kollej yoki texnikumlarni bitirgan bo‘lishi shart qilib belgilangan. Talabalikka tavsiya etilganlar o‘z natijalarini rasmiy my.uzbmb.uz va mandat.uzbmb.uz platformalaridagi shaxsiy kabinetlari orqali tekshirishlari mumkin.
