Qashqadaryoda OIV ekspertizasi xulosasi 3 ming dollarga “hal qilinayotgani” fosh bo‘ldi
Qashqadaryo viloyati OITSga qarshi kurashish markazi laboranti 30 yoshli fuqaroga nisbatan tayinlangan ekspertiza xulosasini tanishlari orqali uning foydasiga hal qilib berishni va’da qilgan. U ushbu xizmati evaziga 3 ming dollar talab etgan.
O‘tkazilgan tezkor tadbir davomida dastlab laborant, so‘ngra ushbu operatsiyaning davomi sifatida Respublika sud-tibbiy ekspertiza ilmiy-amaliy markazi tuman bo‘limi boshlig‘i 2,5 ming dollarni olayotgan vaqtida qo‘lga olindi.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
