Qashqadaryoda Nexia-2 portlab, parchalanib ketdi. Oqibatida mashinadagi bir kishi halok bo‘ldi
Bugun, 8-iyul kuni soa Qashqadaryo viloyati Muborak tumanida Nexia-2ga o‘rnatilgan metan gaz balloni portlashi oqibatida ichida bo‘lgan 1 nafar fuqaro hodisa joyida halok bo‘ldi. Bu haqda viloyat Favqulodda vaziyatlar boshqarmasi xabar berdi.
Holat Quruvchilar mahalla hududidan o‘tgan A-380 Qarshi–Buxoro avtomobil yo‘lining 128-kilometrida Qarshi shahridan Buxoro viloyati tomon harakatlanib ketayotganida sodir bo‘lgan. Nexia-2ning haydovchisi Qorovulbozor tumanida yashovchi 54 yoshli shaxs boshqaruvida ekani aniqlangan.
Hodisa oqibatida avtomashinada bo‘lgan avtomobil ichidagi 1 nafar fuqaro voqea joyida vafot etgan.
Shuningdek, 2 nafar fuqaro turli darajadagi tan jarohatlari bilan Muborak tuman tibbiyot birlashmasiga yotqizilgan.
Hodisa oqibatida yong‘in sodir bo‘lmagan. Ayni vaqtda mazkur holat yuzasidan Muborak tumani IIB tomonidan surishtiruv ishlari olib borilmoqda.
