Qashqadaryoda zaxirasi 2,5 mlrd kub metr bo‘lgan yangi tabiiy gaz koni topildi
Qashqadaryo viloyatining Mirishkor tumanidagi yangi “Patron” gazkondensat konidan sanoat miqyosida tabiiy gaz olindi. Konning dastlabki zaxirasi 2,5 mlrd kub metrga baholanmoqda. Bu haqda Energetika vazirligi xabar qildi.
Xabarga ko‘ra, “Patron” konidagi 1-sonli qidiruv qudug‘ini burg‘ilash ishlari Xitoyning BGP kompaniyasi 2025-yilda o‘tkazgan 3D seysmik tadqiqotlar natijalari asosida boshlangan.
3296–3339 metr chuqurlikdagi qatlamlar sinovdan o‘tkazilgach, quduqdan sutkasiga dastlabki hisobda 500 ming kub metr tabiiy gaz olinayotgani ma’lum bo‘ldi. Quduq 2026-yil 2-sentabr kuni soat 06:00 da gaz quvuriga ulanib, ishga tushirilgan.
Hozirda “O‘zLITIneftgaz” AJ mutaxassislari quduqning haqiqiy qazib chiqarish imkoniyatlarini aniqlash uchun gazodinamik va gazkondensat tadqiqotlarini olib bormoqda.
