O‘zgidromet kuchli shamol va chang-to‘zon kuzatilishidan ogohlantirdi
Bugun, 24-avgust kuni kunduz kuni Buxoro, Navoiy, Toshkent, Samarqand, Jizzax, Qashqadaryo va Farg‘ona viloyatlarida, shuningdek, tog‘li hududlarda ayrim joylarda shamol tezligi 13–18 m/s gacha kuchayishi kutilmoqda.
O‘zgidromet xabariga ko‘ra, ba’zi hududlarda kuchli shamol chang-to‘zon bilan birga kuzatilishi mumkin.
Toshkent shahrida ham shamol tezligi 11–14 m/s gacha kuchayishi, ayrim joylarda chang-to‘zon ko‘tarilishi mumkin.
