O‘zbekistonning davlat qarzi $48,3 mlrdga yetdi
2026-yilning ikkinchi choragi yakuniga ko‘ra, O‘zbekistonning davlat qarzi 48,315 mlrd dollarga yetdi. Bu haqda Iqtisodiyot va moliya vazirligi ma’lum qildi.
Bu yilning birinchi choragidagi 46,985 mlrd dollar ko‘rsatkichidan 1,33 mlrd dollar yoki 2,8 foizga ko‘p. Mazkur raqamlar 2025-yilda 46,8 mlrd dollarni tashkil etgandi. Davlat qarzining asosiy qismini tashqi qarz tashkil etmoqda. Ikkinchi chorak yakunida davlat tashqi qarzi 40,711 mlrd dollarga yetib, jami qarzning 84 foizini tashkil qilgan. Birinchi chorakda bu ko‘rsatkich 39,776 mlrd dollar edi.
Davlat ichki qarzi esa ikkinchi chorakda 7,604 mlrd dollarni tashkil etgan. Uning jami davlat qarzidagi ulushi 16 foizga teng. Birinchi chorakda ichki qarz 7,209 mlrd dollar bo‘lgan. Shunday qilib, uch oy davomida davlat tashqi qarzi qariyb 935 mln dollar, ichki qarz esa 395 mln dollarga oshgan.
