O‘zbekistonliklar yarim yilda ta’limga qariyb 24 trillion so‘m sarfladi
Milliy statistika qo‘mitasi ma’lumotlariga ko‘ra, yanvar–iyun oylarida ko‘rsatilgan ta’lim xizmatlarining 42,4 foizini oliy ta’lim tashkil etgan. Hududlar orasida eng yuqori ko‘rsatkich Toshkent shahrida qayd etilib, poytaxtliklar ta’limga 12,7 trillion so‘m sarflagan.
Viloyatlar kesimida Samarqand va Farg‘ona 1,5 trillion so‘mdan ko‘rsatkich bilan yetakchilik qilmoqda. Shuningdek, Andijonda 1,2 trillion so‘m, Toshkent hamda Namangan viloyatlarida 1,1 trillion so‘mdan, Buxoroda esa 1 trillion so‘mlik xizmatlar ko‘rsatilgan.
Qashqadaryoda bu raqam 877,7 milliard, Qoraqalpog‘istonda 691,3 milliard, Xorazmda 602,5 milliard va Surxondaryoda 577,8 milliard so‘mni tashkil etgan. Eng kam xarajat Navoiy (373,6 mlrd), Jizzax (323,9 mlrd) va Sirdaryo (243,6 mlrd) viloyatlarida kuzatilgan.
