O‘zbekistonda yarim yilda 373 mingdan ziyod chaqaloq dunyoga keldi. Qaysi viloyat yetakchi?
Milliy statistika qo‘mitasi ma'lumotlariga ko‘ra, yanvar-iyun oylarida mamlakatda 373 389 ta tirik tug‘ilish holati ro‘yxatga olingan.
Hududlar bo‘yicha peshqadamlikni 46 436 nafar chaqaloq bilan Samarqand viloyati egalladi. Keyingi o‘rinlarda Farg‘ona (41 773 ta), Qashqadaryo (41 261 ta) va Surxondaryo (35 461 ta) viloyatlari bormoqda.
Shuningdek, ushbu davrda Andijonda 32 949 ta, Namanganda 31 441 ta, Toshkent viloyatida 29 024 ta va Toshkent shahrida 27 446 ta tug‘ilish qayd etildi.
Eng kam ko‘rsatkichlar Sirdaryo (9 384 ta), Navoiy (10 724 ta) viloyatlari hamda Qoraqalpog‘iston Respublikasiga (15 894 ta) to‘g‘ri keldi.
