O‘zbekistonda xorijiy korxonalar soni 21 mingtaga yaqinlashdi, Xitoy mutlaq yetakchi

So‘nggi besh yilda xorijiy investitsiyalar ishtirokidagi korxonalar soni 1,7 baravarga oshgan.

Mamlakatda bunday korxonalar soni bo‘yicha Xitoy yetakchilik qilmoqda. 1-avgust holatiga O‘zbekistonda Xitoy kapitali ishtirokidagi 6 241 ta korxona faoliyat yuritmoqda.

Keyingi o‘rinlarda:

Rossiya — 3 512 ta;

Turkiya — 2 327 ta;

Qozog‘iston — 1 321 ta;

Janubiy Koreya — 730 ta;

Afg‘oniston — 706 ta;

Ozarbayjon — 492 ta;

Tojikiston — 467 ta;

BAA — 453 ta;

Hindiston — 439 ta.

Hisob-kitoblarga ko‘ra, Xitoy kapitali ishtirokidagi korxonalar umumiy xorijiy investitsiyali korxonalarning qariyb 30 foizini tashkil etadi. Ya’ni O‘zbekistonda faoliyat yuritayotgan har uchta xorijiy investitsiyali korxonadan qariyb bittasi Xitoy kapitali ishtirokida tashkil etilgan.