O‘zbekistonda xavfli infeksiya tarqalishining oldini olish uchun chegara va sanitariya nazorati kuchaytirildi
Hozirda mamlakat tegishli xizmatlari Rossiya Federatsiyasining vakolatli organlari hamda Jahon sog‘liqni saqlash tashkilotining rasmiy manbalari orqali epidemik vaziyatni uzluksiz kuzatib bormoqda. Mutaxassislar laboratoriya tahlillari natijalari, infeksiyaning ehtimoliy manbalari va bemor bilan muloqotda bo‘lganlar doirasini sinchkovlik bilan o‘rganmoqda.
Hududga o‘ta xavfli infeksiyalarning kirib kelishi va tarqalishining oldini olish maqsadida barcha tegishli xizmatlar tayyor holatga keltirildi.
Mutasaddi idoralar fuqarolarga turli tasdiqlanmagan mish-mishlarga berilmaslikni va ma’lumotlarni faqat rasmiy manbalardan olishni tavsiya qilmoqda. Vaziyat o‘zgargan taqdirda jamoatchilikka qo‘shimcha ma’lumot berilishi ko‘zda tutilgan.
