O‘zbekistonda hafta davomida qanday ob-havo kuzatilishi e’lon qilindi
Uzgidromet respublikada hafta davomida kuzatiladigan ob-havo ma’lumotlarini e’lon qildi. Unga ko‘ra, ish haftasi davomida O‘zbekiston hududining katta qismida quruq va iliq ob-havo kuzatiladi. G‘arbiy hududlarida esa yomg‘ir yog‘ishi kutilmoqda.
Faqat ayrim kunlarda Qoraqalpoiston Respublikasi, Xorazm viloyatida va 10-11 sentabr kunlari esa Buxoro, Navoiy viloyatlarida ba’zi joylarda biroz qisqa muddatli yomg‘ir yog‘ishi mumkin. Hafta davomida harorat foni kechalari 15-20 daraja, kunduz kunlari 32-37 daraja atrofida nisbatan tekis bo‘lishi kuzatiladi.
Respublikaning shimoli-g‘arbida kunduzgi harorat 30-33 darajadan 25-28 darajagacha biroz pasayadi. 7 va 11 sentabr kunlari respublikaning tog‘li hududlarida ba’zi joylarda qisqa muddatli yomg‘ir yog‘ishi mumkin.
Shamol 7-12 m/s tezlikda esadi, 8-10 sentabrda shimolda va cho‘l hududlarda, 11 sentabrda respublika bo‘yicha ba’zi joylarda shamol tezligi 13-18 m/s gacha kuchayadi, ayrim joylarda chang-to‘zonlar bilan kuzatiladi.
Poytaxtda havo biroz bulutli, vaqti-vaqti bilan o‘zgaruvchan bo‘ldi, yog‘ingarilik kutilmaydi. Harorat asosan kechalari 17-20 daraja bo‘ladi, kunduz kunlari 32-34 darajadan 35-37 darajagacha o‘zgarib turadi.
Shamol sharqdan 3-8 m/s tezlikda esadi.
