O‘zbekistonda hafta davomida havo harorati 37 darajagacha ko‘tariladi
O‘zgidromet 21–25-sentabr kunlariga mo‘ljallangan ob-havo prognozini e’lon qildi. Unga ko‘ra, hafta davomida respublikaning katta qismida havo biroz bulutli bo‘lib, yog‘ingarchilik kutilmaydi.
Faqat ayrim tog‘li hududlarda, shuningdek, 24–25-sentabr kunlari Farg‘ona vodiysi viloyatlarining ba’zi joylarida qisqa muddatli yomg‘ir yog‘ishi va momaqaldiroq bo‘lishi mumkin.
Havo harorati kechalari 13–18 daraja, kunduzi 27–32 daraja, janubiy hududlarda esa 35–37 darajagacha ko‘tariladi. Shamol sharqdan sekundiga 7–12 metr tezlikda esadi.
Toshkent shahrida hafta davomida yog‘ingarchilik kutilmaydi. Harorat kechalari 15–18 daraja, kunduzi 29–32 daraja, 25-sentabr kuni esa 27–29 daraja bo‘ladi.
