O‘zbekiston tarixi davlat muzeyi 2 yillik rekonstruksiyadan so‘ng qayta ochilmoqda
Toshkent shahrida joylashgan O‘zbekiston tarixi davlat muzeyi qariyb 2 yil davom etgan rekonstruksiyadan so‘ng yana faoliyatini boshladi. Bu ahqda Fanlar akademiyasi xabar berdi.
Akademiya ma’lum qildiki, ochilish marosimi 2026-yil 24-iyul kuni 10:00da bo‘lib o‘tadi. Shuningdek, 24-25-26-iyul kunlari O‘zbekiston tarixi davlat muzeyida “Ochiq eshiklar kuni” tadbirlari doirasida aholi uchun bepul tashriflar tashkil etiladi.
Ma’lumot o‘rnida, muzey 1876-yilda tashkil etilgan bo‘lib, bu yil o‘zining 150 yillik yubileyini nishonlash arafasida. Ushbu muzey mamalakat tarixini ko‘ptarmoqli sohalararo keng yorituvchi yagona muzey hisoblanadi. Muzey fondida 350 mingdan ziyod tarixiy buyumlardan iborat noyob kolleksiya jamlangan.
