Toshkent viloyatida Labo, Lacetti va Tracker to‘qnashuvi oqibatida yong‘in chiqdi
Toshkent viloyati O‘rta Chirchiq tumanida 24-avgust kuni uchta avtomobil ishtirokida yo‘l-transport hodisasi sodir bo‘ldi. Hodisa oqibatida avtomobillarda yong‘in chiqqan, biroq haydovchi va yo‘lovchilardan hech kim jarohatlanmagan. Bu haqda viloyat YHXB xabar qildi.
Hodisa soat taxminan 07:30larda D002 Toshkent–Nurafshon avtomobil yo‘lining 9-kilometrida Labo haydovchisi qayrilish mumkin bo‘lgan joydan burilayotgan vaqtda o‘z yo‘nalishida kelayotgan Lacetti va Tracker avtomobillari bilan to‘qnashgan.
To‘qnashuv oqibatida avtomobillarda yong‘in yuzaga kelgan. Yong‘in o‘t o‘chiruvchilar tomonidan to‘liq bartaraf etilgan.
Hozirda holat yuzasidan O‘rta Chirchiq tumani IIB tomonidan surishtiruv ishlari olib borilmoqda.
