Ohangarondagi bog‘chada 3 yoshli bolaning o‘limi yuzasidan jinoiy ishi qo‘zg‘atildi — Bosh prokuratura
Avvalroq Toshkent viloyatining Ohangaron shahridagi 6-sonli bog‘chada 2023-yilda tug‘ilgan bola oshxonada hasharotlarga qarshi ishlatiladigan vositani ichib qo‘yib, vafot etgani xabar qilingan edi. Holat yuzasidan jinoiy ish qo‘zg‘atildi. Bu haqda Bosh prokuratura ma’lum qildi.
Qayd etilishicha, 2023-yil 16-iyulda tug‘ilgan bola 2026-yil 28-avgust kuni zaharlangan va ko‘rsatilgan tibbiy yordamga qaramay, 30-avgust kuni vafot etgan.
Jinoyat kodeksining 116-moddasi 3-qismi — kasb yuzasidan o‘z vazifalarini lozim darajada bajarmaslik bilan jinoyat ishi qo‘zg‘atildi. Prokuratura tergov davomida aniqlangan har bir holatga huquqiy baho berilishini bildirdi. Tergov natijalari haqida qo‘shimcha ma’lumot beriladi.
