Odam savdosini aniqlash va jabrlanganlarni himoya qilish tizimi kuchaytirilmoqda
- O‘zbekiston Respublikasi Prezidentining 2026-yil 3-avgustdagi PF-146-son farmoni asosida joriy yilning 1-sentyabrdan boshlab to‘liq “Inson” ijtimoiy xizmatlar markazlari tomonidan barcha shu kabi jarayonlar nazoratga olinadi. Avval bu ish asosan huquq-tartibot organlari zimmasida edi. Endi “Inson” markazlari, maxsus muassasalar va nodavlat tashkilotlar ham dastlabki aniqlash huquqiga ega bo‘ladi. Shaxsga bir oygacha “ehtimoliy jabrlanuvchi” maqomi berilishi mumkin. Keyin hududiy komissiya 10 kun ichida yakuniy qaror qabul qiladi. Jabrlangan maqomi eng ko‘pi bilan bir yilga beriladi.Qanday yordam ko‘rsatiladi?Aniqlangan odam haqidagi ma’lumot “Inson” markaziga yuboriladi. U yerda uning ijtimoiy-iqtisodiy ahvoli, oila a’zolarining holati va yordamga ehtiyoji baholanadi. Natijada quyidagi bepul xizmatlar taqdim etiladi: ijtimoiy yordam; psixologik qo‘llab-quvvatlash; huquqiy maslahat; tibbiy yordam; moddiy yordam; ishga joylashish va kasbga o‘qitish.Muhimi — bu minimal xizmatlar paketi odamning moliyaviy ahvolidan qat’i nazar, mutlaqo bepul beriladi.Yashash joyi bo‘lmaganlar (farzandlari bilan birga) maxsus muassasalarga vaqtincha joylashtirilishi mumkin. Muassasada yashashni xohlamaganlar esa kunduzi “Inson” markazlariga kelib xizmatlardan foydalanishi mumkin. Reabilitatsiya muddati 6 oygacha uzaytiriladi.Avvalroq, Farg‘ona viloyatida yangi tug‘ilgan chaqaloqini pul evaziga boshqa shaxslarga bermoqchi bo‘lgan yosh ota-onaga sud hukmi o‘qilgan edi.
