Navoiyda 778 ta yo‘rg‘a tuvaloqlar tabiatga qo‘yib yuborildi
BAAning ixtisoslashtirilgan pitomnikidan olib kelingan 778 ta yo‘rg‘a tuvaloqlar (hubara)lar Navoiy viloyatining Nurota va Navbahor tumanlaridagi choʻl hududiga qoʻyib yuborildi. Bu haqda viloyat ekologiya qo‘mitasi xabar berdi.
Ma’lum qilindiki, tuvaloqlar Ekoxudud va ovchilikni rivojlantirish deportamenti Davlat muassasasi, Navoiy viloyati Ekologiya va iqlim oʻzgarishi bosh boshqarmasi hamda Falson Hunting Solutions MChJ ishtirokida, Dubay amirligining Oʻzbekistondagi vakolatxonasi tomonidan 778 ta yo‘rg‘a tuvaloqlar (hubara)lar Navoiy viloyatining Nurota va Navbahor tumanlaridagi choʻl hududiga qoʻyib yuborildi.
Kelgusida bu noyob qushlar oʻzlarining tabiiy yashash joylarida yashaydi va koʻpayishi kutilmoqda. Bu tashabbus yo‘rg‘a tuvaloqlar populyatsiyasining koʻpayishiga va choʻl florasi va faunasining tabiiy muvozanatini saqlashga yordam beradi.
