Navoiyda 3 nafar bola daryoda cho‘kib ketdi. Ulardan ikkisi aka-uka bo‘lgan
Joriy yilning 8-iyul kuni, soat 13:50 da Navoiy viloyati Karmana tumani daryosining Katta masjid mahalla hududidan oqib o‘tuvchi Zarafshon daryosining qismiga 3 nafar bola choʻmilish maqsadida borib, ehtiyotsizlik oqibatida choʻkib ketgan. Bu haqda viloyat Favqulodda vaziyatlar boshqarmasi xabar qildi.
Portal24.uz manbasining ma’lum qilishicha, ulardan ikki aka-uka bo‘lib, Jasur Sultonov (14 yosh) va Jahongir Sultonov (18 yosh), yana biri esa Ozodbek To‘xtapo‘latov (16 yosh) bo‘lgan.
Qayd etildiki, voqea joyida boshqarmasining Maxsus-qutqaruv otryadi gʻavvos qutqaruvchilari hamda tegishli xizmati tomonidan qidiruv olib borgan. Ikki kun davom etgan qidiruvdan so‘ng 10-iyul kuni ular Zarafshon daryosining Karmana tumani hududidan oqib oʻtuvchi qismidan qutqaruvchilar tomonidan topilgan.
