Mustaqillik bayramida viloyatlarga qo‘shimcha poyezd, avtobus va samolyotlar yo‘lga qo‘yiladi
Bayram arafasida va undan keyingi ikki kun davomida poyezdlar harakati jadvali kengaytiriladi. Xususan, Xiva, Qo‘ng‘irot, Shovot, Termiz va Sariosiyo yo‘nalishidagi poyezdlarga 4 tagacha qo‘shimcha vagonlar ulanadi. Shu bilan birga, Toshkentdan Samarqand, Buxoro va Urganch shaharlariga yuqori tezlikda harakatlanuvchi elektropoyezdlarning qo‘shimcha qatnovlari yo‘lga qo‘yiladi.
Yo‘lovchilar oqimini tartibga solish uchun avtomobil va havo transportida ham maxsus choralar belgilandi. Toshkent-Janubiy vokzali hududida viloyatlararo qatnovchi avtobuslar uchun maxsus zaxira maydoni ajratilib, u yerga Samarqand, Buxoro, Urganch va Nukus yo‘nalishlari bo‘yicha qo‘shimcha avtobuslar joylashtiriladi.
Shuningdek, bayramdan ikki kun oldin Toshkent shahridan Urganch, Nukus, Buxoro va Termiz yo‘nalishlari bo‘yicha qo‘shimcha aviareyslar ham amalga oshirila boshlaydi. Ushbu choralar bayram kunlarida fuqarolarning mamlakat bo‘ylab erkin va qulay harakatlanishini ta’minlashga qaratilgan.
