Migratsiya agentligi 7 oyda qiyin ahvolda qolgan 1 306 nafar fuqaroni vatanga qaytardi
Joriy yilning o‘tgan 7 oyida Migratsiya agentligi xorijda murakkab vaziyatga tushib qolgan 2 888 nafar vatandoshni O‘zbekistonga qaytardi. Bu haqda agentlikning matbuot xizmati xabar berdi. Ularning 1 306 nafari murakkab moliyaviy ahvolga tushib qolgan fuqarolar bo‘lgan.
Ma’lumotlarga ko‘ra, vatandoshlarni qaytarish bilan bog‘liq transport, tibbiy, tashkiliy va boshqa zarur xarajatlar uchun Migratsiya jamg‘armasidan jami 9 mlrd 936 mln so‘m mablag‘ sarflangan. o‘zbekistonga olib kelingan fuqarolarning
- 1 306 nafari — murakkab moliyaviy ahvolda qolgan fuqarolar;
- 518 nafari — bolali ayollar;
- 1 022 nafari — bolalar;
- 42 nafari — maxsus tibbiy tashish, ya’ni yotqizilgan holatda olib kelingan fuqarolar.
Shuningdek, tibbiy kuzatuv talab etilgan 15 nafar fuqaro Sog‘liqni saqlash vazirligi shifokorlari nazorati ostida Vatanga olib kelingan.
