Latviyada ikki o‘zbekistonlik oqqushni o‘ldirgani uchun sud qilinadi
O‘zbekistonlik ikki erkak – 42 yoshli Akbar Abduhakimov va 33 yoshli Behruz Sharipov Latviyada oqqushni o‘ldirganlikda ayblanmoqda. Bu haqda Faunora.ru xabar berdi.
Tergov materiallariga ko‘ra, 2025-yil 30-mart kuni Tsarnikava qishlog‘ida ular oqqushni yem bilan o‘zlariga yaqinlashtirgan, uni yerga yiqitib bo‘ynini sindirgan va boshiga musht bilan urgan. Shundan so‘ng qushni qora chiqindi paketiga solib, voqea joyidan yashiringan. Hodisani uch nafar voyaga yetmagan bola o‘z ko‘zi bilan ko‘rgan. Gumonlanuvchilar turli xil ko‘rsatmalar bergan bo‘lsa-da, hozirda jinoyat ishi sudga oshirilgan.
Qo‘lga olinganidan keyin erkaklar dastlab bayramni nishonlayotganini va qushni shunchaki ko‘ngilxushlik uchun olib ketganini aytgan. Keyinchalik esa ko‘rsatmalarini o‘zgartirib, oqqushni Rigaga olib borib, yo‘l chetida qo‘yib yuborganini da’vo qilgan. Endilikda sud taqdim etilgan barcha dalillarni o‘rganib chiqib, mazkur jinoyat ishi yuzasidan yakuniy qarorni qabul qiladi.
Ma’lumot o‘rnida, Latviyada hayvonlarga nisbatan shafqatsiz munisabatda bo‘lish va buni voyaga yetmaganlarning ko‘z oldida sodir etish og‘ir jinoyat sanaladi bunin uchun 6 yilgacha qamoq jasosi berilishi mumkin. Shuningdek, ular Yevropa Ittifoqining qora ro‘yxatiga kiritilgani va Shengen hududiga kirish huquqidan umrbod mahrum etilgani aytilmoqda.
