Kriminal avtoritet “Jo‘ra Tashkentskiy” Misrda ushlandi
IIV xabar beradiki, Rossiya fuqarosi bo‘lgan Sorokin yonida soxta pasport bilan qo‘lga olingan. Muqaddam O‘zbekiston, Rossiya va Qozog‘istonda bosqinchilik, tovlachilik hamda qurol-yaroq saqlash kabi jinoyatlar uchun bir necha bor sudlangan ushbu shaxs sDrive oxirgi yillarda Dubayda yashab kelgan.
Tergov ma’lumotlariga ko‘ra, Sorokin 2021-yilda Toshkentda sheriklari bilan birga fuqaroga tazyiq o‘tkazib, uning umumiy qiymati 350 ming dollarlik ikkita uyini tovlachilik yo‘li bilan tortib olgan.
Ushbu holat bo‘yicha O‘zbekiston Jinoyat kodeksining 165-moddasi 3-qismi (o‘ta ko‘p miqdorda tovlachilik) bilan jinoyat ishi qo‘zg‘atilib, xalqaro qidiruv e’lon qilingan edi. O‘zbekiston huquq-tartibot idoralari va Interpol hamkorligida ushlangan «qonundagi o‘g‘ri»ga nisbatan tergov harakatlari davom etmoqda.
