Juda ko‘p miqdordagi firibgarlikda gumonlanib xalqaro qidiruvda bo‘lgan shaxs Gruziyada ushlanib, O‘zbekistonga olib kelindi
O‘zbekiston va Gruziya Interpol idoralari o‘rtasidagi hamkorlik hamda tezkor-qidiruv tadbirlari natijasida gumondorning Gruziya hududida yashirinib yurgani aniqlangan hamda u mahalliy huquq-tartibot organlari tomonidan qo‘lga olingan.
O‘zbekiston Bosh prokuraturasining ekstraditsiya bo‘yicha so‘rovi Gruziya tomoni tomonidan qanoatlantirilgach, qonunchilikda belgilangan barcha rasmiy tartib-taomillar yakunlandi va ushlangan shaxs keyingi tergov harakatlarini o‘tkazish uchun O‘zbekistonga topshirildi.
