Ikki tumanda 1000 tonnadan ortiq asfalt pullari talon-taroj qilindi
Ma’lum bo‘ldiki, Sharof Rashidov tumanining Obodonlashtirish boshqarmasi ma’sullari 6 ta ichki yo’lda asfalt yotqizish ishlarini bajarmagan va ular xarid qilingan 348,7 million so’mlik 634 tonna asfaltni sotib talon-taroj qilgan.
Shu kabi holat Toshkent viloyati Parkent tumanida ham yuz berganligi aniqlandi. Obodonlashtirish boshqarmasi mansabdorlari “G.W” MCHJ tomonidan 540 tonna asfaltni yetkazib bermay uni go’yo mahsulot qabul qilib olingani haqida soxta hisob-fakturalar rasmiylashtirgan. Oqibatda 324 million so’mlik budjet mablag’lari rastrata yo’li orqali o’zlashtirilgan.
Hozirda har ikki holat yuzasidan Obodonlashtirish boshqarmalari masʼullariga nisbatan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari olib borilmoqda.
