Hindistonda olti nafar o‘zbekistonlik ayol odam savdosi qurboni bo‘ldi
Huquq-tartibot idoralari maxsus olingan tezkor ma’lumotlar asosida Odam savdosiga qarshi kurashish bo‘linmasi bilan hamkorlikda ushbu amaliyotni o‘tkazgan.
Surishtiruv jarayonida fohishalik va noqonuniy faoliyatni tashkil etganlikda gumonlanib ikki nafar mahalliy fuqaro qo‘lga olindi. Ular mehmonxonadan maxsus xonalar ajratib, Hindistonning turli shtatlaridan mijozlarni jalb qilish hamda ayollarni kam miqdordagi haqi evaziga noqonuniy ishlatish bilan shug‘ullanib kelgani aniqlangan.
Tekshiruvlar natijasida qutqarilgan ayollarning pasport va vizalari haqiqiy ekani, ular mamlakatga sayyohlik vizasi orqali kirib kelgani ma’lum bo‘ldi. Hozirda ayollarning ko‘rsatmalari asosida odam savdosi moddalari bo‘yicha jinoyat ishi qo‘zg‘atilib, tergov harakatlari davom ettirilmoqda.
