Germaniya elchisi O‘zbekistondagi diplomatik missiyasini yakunlamoqda
Tashqi ishlar vaziri Baxtiyor Saidov Germaniyaning O‘zbekistondagi elchisi Manfred Xuterer bilan xayrlashuv uchrashuvini o‘tkazdi. Uchrashuvda elchining faoliyati davomida ikki davlat o‘rtasida oliy darajadagi uchrashuvlar muvaffaqiyatli tashkil etilgani, tashqi ishlar vazirliklari o‘rtasidagi yaqin muloqot mustahkamlangani hamda ko‘p qirrali sheriklik yangi bosqichga ko‘tarilgani alohida ta’kidlangan.
“Elchining yurtimizdagi faoliyati davomida oliy darajadagi uchrashuvlar muvaffaqiyatli tashkil etilgani, tashqi ishlar vazirliklari o‘rtasidagi yaqin muloqot mustahkamlangani hamda ko‘p qirrali sheriklik sifat jihatidan yangi bosqichga ko‘tarilganini alohida ta’kidladik. Fursatdan foydalanib, janob Elchiga munosabatlarini mustahkamlashga qo‘shgan hissasi uchun samimiy minnatdorlik bildirdik va kelgusi faoliyatida ulkan muvaffaqiyatlar tiladik”, deyiladi xabarda.
Baxtiyor Saidov elchiga ikki tomonlama munosabatlarni mustahkamlashga qo‘shgan hissasi uchun minnatdorlik bildirib, kelgusi faoliyatida muvaffaqiyatlar tilagan.
