Farg‘onada Kadastrlar palatasi filiali rahbari 600 dollar pora olishda gumonlanib, jinoyat ishi qo‘zg‘atildi
Farg‘ona viloyatidag tumanlarning birida Davlat kadastrlari palatasining filiali rahbari fuqarodan 600 aqsh dollari olgani aniqlandi. Bu haqda DXX xabar berdi.
Ma'lumotlarga ko‘ra, mansabdor shaxs 1990 ilda tug‘ilgan fuqaroning noqonuniy qurilgan savdo do‘koniga nisbatan Kadastr agentligining tuman bo‘limi tomonidan tuzilgan dalolatnomani bekor qildirib, qonuniy chora ko‘rilmasligini ta’minlash evaziga joriy yilning iyul oyi boshlarida 600 AQSH dollari olgan.
Lekin, mansabdor shaxs va’dasini bajarmasdan, fuqaroga 500 AQSH dollari qaytarib bergan.
Davlat xavfsizlik xizmati va Iqtisodiy jinoyatlarga qarshi kurashish departamenti tomonidan ushbu noqonuniy holat fosh etilib, Kadastrlar palatasi filiali rahbariga nisbatan jinoyat ishi qo‘zg‘atildi. Hozirda dastlabki tergov harakatlari olib borilmoqda.
Mazkur holat yuzasidan Kadastrlar palatasi filiali rahbariga nisbatan jinoyat ishi qo‘zg‘atildi. Hozirda dastlabki tergov harakatlari olib borilmoqda.
DXX fuqarolardan noqonuniy holatlarga duch kelinganda 1520 qisqa raqamiga murojaat qilishni so‘ragan. Murojaatchining shaxsi sir saqlanadi.
