Farg’onada hokim lavozimiga joylashtirib qo’yaman deb 100 ming dollar olgan shaxs qo’lga olindi
Aniqlandiki, ushbu shaxs fuqaro I.D.ning ishonchini qozonib, yuqori lavozimli “tanishlari” orqali uni Uchkuprik tumani hokimi qilib qo‘yishini aytgan va kelishilgan pulning bir qismini olgan paytda ushlangan.
Tergov ma’lumotlariga ko‘ra, u dastlab 210 000 ming AQSH dollari so’ragan. Shundan so’ng kelishuv bo’yicha 100 ming dollar berilgan. U pullarni olish paytida tezkor tadbir ishtirokchilari tomonidan ashyoviy dalillar bilan qo‘lga olingan.
Mazkur holat yuzasidan Jinoyat kodeksining 25, 168-moddalari (firibgarlik) va 28, 211-moddalari (pora berish) bilan jinoyat ishi qo‘zg‘atildi. Hozirda tergov harakatlari davom etmoqda.
