Elektr tarmoqlaridagi yo‘qotishlarni kamaytirish uchun yangi ilmiy yechimlar ishlab chiqildi
Tadqiqotchilar podstansiyalarda reaktiv quvvatni kompensatsiya qiluvchi maxsus qurilmalarni o‘rnatishni taklif qilmoqda. Ushbu texnologiya quvvat koeffitsiyentini belgilangan me’yoriy darajaga yetkazib, elektr uzatish liniyalarida behuda isrof bo‘layotgan energiyani sezilarli darajada kamaytirish imkonini beradi.
Shu bilan birga, obyektlarni SCADA tizimi orqali masofadan boshqarish va ularning faoliyatini real vaqt rejimida monitoring qilish mexanizmini joriy etish tavsiya etildi. Bu orqali avariyalarning oldi olinadi hamda podstansiyaning ish rejimi ustidan raqamli nazorat yo‘lga qo‘yiladi.
Olimlar, shuningdek, iste’molchilarning yuklama grafiklarini optimallashtirish uchun raqamli modellashtirish usulini ilgari surmoqda. Tizim amaliyotga tatbiq etilsa, tarmoqlarga tushadigan og‘irlik oqilona taqsimlanib, mamlakat energetika tizimining xavfsizligi va samaradorligi ortadi.
