“Чорсу” ва “Малика” бозорларидан 600 млд сўмлик савдо тушуми яширилган
Хусусан, “Малика”да 1,5 мингга яқин тадбиркор фаолият юритса-да, уларнинг фақат тўртдан бири рўйхатдан ўтган, 25 фоизи эса ойига 1 миллион сўм ҳам солиқ тўламаяпти. Шунингдек, декабрь ойида 600 миллиард сўмлик савдо тушуми яширилгани айтилди.
Тошкент шаҳар солиқ бошқармаси бюджет режасини ҳалол тадбиркорлардан ортиқча ундириш ҳисобидан бажараётгани, ҚҚСни сунъий ортиқча тўлов орқали ноқонуний қайтариш ҳолатлари кўпайгани танқид қилинди. Ўтган йилда бу ҳолатлар бўйича 20 нафар солиқ ходимига жиноят иши қўзғатилгани, шу йўналиш учун масъул раҳбарнинг лоқайдлиги кўрсатиб ўтилди.
